Mingəçevir şəhəri 11 noyabr 2012-ci il tarixində şəhərin 64-cü ildönümünü qeyd etdi. Təşkil edildiyi tədbirdə şəhərin İcra başçısı Niyazi Bayramov, Millət vəkili Aydın Mirzəzadə, və digər idarələrin, şöbələrin rəhbərləri iştirak etmişlər. Tədbirdə Mingəçevir şəhəri Mədəniyyət və Turizm şöbəsinin təşəbbüsü ilə tarixi-ənənəvi məzmunda səhnəciklər nümayiş edilmişdir.

9 noyabr 2012-ci il Milli Bayraq günü münasibətilə Tarix muzeyində “Bir kərə yüksələn bayraq, bir daha enməz” adlı dəyirmi masa keçirilmişdir.

1 noyabr 2012-ci il tarixdə Mingəçevir şəhər Tarix muzeyində Xalq artisti Azərbaycanın profesional vokal məktəbinin banisi SSRİ Xalq artisti, SSRİ Dövlət mükafatı laurieatı Bülbülün 115 illik yubileyi münasibətiləı sərgi və mühazirə keçirilmişdir.

21 sentyabr 2012-ci il tarixdə Mingəçevir şəhər mədəniyyət müəssisələrində Ümumdünya Turizm Günü münasibətilə açıq qapı günü keçirilmişdir. Həmin gün mədəniyyət müəssisələri  milli bayraqlarla bəzədilmiş, tamaşaçılara mədəni xidmət göstərilmişdir. Ümumdünya Turizm Günü münasibətilə keçirilən tədbirlər mətbuat orqanları tərəfindən yayımlanmışdır.

09.09.2012-ci il tarixdə əhalinin asudə vaxtının səmərəli təşkil edilməsi məqsədilə H. Əliyev parkındakı Yay estrada səhnəsində  F. Qasımov adına uşaq incəsənət  məktəbinin təşkilatçılığı ilə  konsert proqramı təşkil edilmişdir.

Konsertdə muğam , xalq mahnıları ifa olmuş,  1200 nəfərədək  tamaşaçı iştirak etmişdir.

Ü. Hacıbəyli adına 11 illik musiqi məktəbinin konsert proqramı

08.09.2012-ci il tarixdə əhalinin asudə vaxtının səmərəli təşkil edilməsi məqsədilə  H. Əliyev parkındakı Yay estrada səhnəsində Ü. Hacıbəyli adına 11 illik musiqi məktəbinin təşkilatçılığı  ilə konsert proqramı təşkil edilmişdir.

Konsertdə muğam , xalq mahnıları ifa olmuş,  1000 nəfərədək  tamaşaçı iştirak etmişdir.

Mədəniyyət və Turizm Nazirliyinin dəstəyi ilə 2012-ci ilin iyun ayının 14-də Mingəçevir şəhərində Azərbaycan Dövlət Filarmoniyasının Dövlət Rəqs Ansamblının konserti keçirilmişdir.

Proqramda xalq rəqsləri və rəqs kompozisiyaları təqdim olunmuşdur.

1 İyun Uşaqların Beynəlxalq Müdafiə günü münasibətilə tarix muzeyində “ Uşaqlara dövlət qayğısı ” adlı mühazirə oxumuşdur.

Mühazirədə dövlətimiz tərəfindən uşaqlara olunan qayğıdan, ölkəmizdə uşaq hüquqlarının qorunmasından, uşaqların düzgün yetişdirilməsi üçün yaradılmış şərait və imkanlardan söz açılmışdı.

"Gənclik klubu"  28 may 2012-ci il tarixdə "Respublika Günü" bayramı münasibətilə tədbir təşkil etmişdir. Tədbirdə şəhərimizin fəal gəncləri iştirak etmişlər.

2012-ci ilin  may ayının 18-də Mingəçevir şəhər Tarix muzeyində Beynəlxalq Muzeylər günü münasibətilə tədbir keçirilmişdir.
Tədbirə bir çox qonaqlar-Mingəçevir şəhər Mədəniyyət və Turizm şöbəsinin müdiri T. Əzizli, H. Əliyev Mərkəzinin direktoru B. Mustafayev, Şəhidlərin “ Xatirə” muzeyinin bir qrup əməkdaşları, S. Vurğun adına mədəniyyət evinin müdiri A. Məmmədov, MKS-nın bir qrup işçiləri, Mingəçevir şəhər Turizm kollecinin “Muzeyşünaslıq” fakultəsinin 2-ci kurs tələbələri  və başqaları dəvət olunmuşdur.
Tədbir zamanı muzeydə son 5 il ərzində keçirilmiş müxtəlif tədbirlərin Azərbaycan televizisiyası və yerli televiziya ilə nümayiş etdirilmiş verlişlərin qısa xülassələri  göstərilmişdir.

10 may 2012-ci il tarixdə Yay estrada səhnəsində Ümummilli Lider  Heydər Əliyevin anadan olmasının 89-cu ildönümünə həsr  olunmuş geniş konsert proqramı təşkil edilmişdir.

Konsertdə Üzeyir Hacıbəyli adına 11 illik musiqi məktəbinin kollektivi çıxış etmişlər.

07.05.2012-ci il tarixdə Mədəniyyət və Turizm şöbəsi Şəhid A. Niftəliyev adına mədəniyyət evində 9 May Qələbə günü münasibətilə Böyük Vətən Müharibəsi Veteranları ilə görüş keçirilmişdir. Tədbiri mədəniyyət evinin direktoru Zəhra Bayramova açdı. Sonra çıxış üçün sözü Böyük Vətən Müharibəsi Veteranı Bayramov Əhməd Tahir oğluna verdi. O, müharibə xatirələrini tədbir iştirakçıları ilə bölüşdü. Sonra əmək veteranı İmanov Yədulla Həbib oğlu da çıxış edərək, Qələbə günü münasibətilə müharibə veteranlarını təbrik etdi. Tədbirdə “Səda” instrumental ansamblı konsert proqramı ilə çıxış etdi. Tədbirdə 20 nəfər iştirak etdi.

05 may 2012-ci il tarixdə "Bülbül" adına Uşaq Musiqi Məktəbində "Not Bayramı" münasibətilə musiqili tədbir keçirilmişdir.

Tədbirdə "Bülbül" adına Uşaq Musiqi Məkətbinin gənc istedadlı şagirdləri maraqlı musiqili  səhnəciklərlə çıxış etdilər.

04 may 2012-ci il tarixdə Şəhidlərin xatirə muzeyində “Torpaq uğrunda ölən varsa vətəndir” mövzusunda tədbir təşkil edilmişdir. Ötən əsrin sonunda torpaqlarımız bədnam qonşularımız tərəfindən işğal olundu.Vətənimizin bütövlüyü uğrunda gedən döyüşlərdə Mingəçevir öz igidləri ilə seçilib.İndi Mingəçevirin “Şəhidlər Xiyabanı”nda 323 ərən uyuyur. Onların xatirəsini yad etmək üçün muzeydə "Torpaq uğrunda ölən varsa vətəndir" mövzusunda şəhid ailələrinin,kitabxana işçilərinin iştirakı ilə tədbir keçirilmişdir.

Tədbirdə şəhid ailələri öz övladları haqqında xatirələrini danışmiş,tədbirdə iştirak edən məktəblilər “Qəhrəmanlıq səlnaməsi” mövzusunda şeir-kompazisiyası söyləmişdilər. Sonda muzeyin şöbə mudiri S.Quliyeva öz çıxışında bildirdi ki,”Belə igid övladları olan xalq ağlamaz.Bir həqiqət gün kimi aydındır ki, xalq yaşayırsa,onun şəhidlərinin qanı heç vaxt yerdə qalmayacaq. Biz inanırıq ki, o gün gələcək işğal altında qalan torpaqlarımız azad olunacaq, şəhidlərimizin ruhu rahatlıq tapacaq.

Azərbaycan Respublikası Mədəniyyət və Turizm Nazirinin 16.03.2012-ci il tarixli, 124 nömrəli əmrinə əsasən xor kollektivlərinin III Respublika müsabiqəsinin zona üzrə baxışı 24-25 aprel 2012-ci il tarixlərdə Mingəçevir şəhər Mədəniyyət və Turizm şöbəsi, Üzeyir Hacıbəyli adına 11 illik musiqi məktəbində keçirilmişdir.

Müsabiqədə Ü.Hacıbəyli adına 11 illik musiqi məktəbininin, şəhid F.Qasımov adına Uşaq İncəsənət məkəbinin, "Bülbül" adına 2 saylı Uşaq musiqi məktəbinin xor kollektivi yüksək səviyyədə çıxış etmişlər.

"Bülbül" adına 2 saylı Uşaq məktəbinin "Xarı Bülbül" ansamblı və "Sazçalanlar" qrupu orta məktəb şagirdlərinin musiqiyə marağını artırmaq məqsədilə 23 aprel 2012-ci il tarixidə DRES qəsəbəsində yerləşən 19 saylı orta məktəbdə, 24 aprel 2012-ci il tarixdə isə 18 saylı orta məktəbdə rəngarəng musiqi nömrələri ilə konsert proqramları təşkil etmişdir.

18 Aprel-Abidələrin Beynəlxalq Mühafizəsi günüdür. Bu münasibətlə Mingəçevir şəhər Şəhidlər Xiyabanında yerləşən “Azərbaycanlıların Soyqırımı və Deportasiyası” abidəsi önündə tədbir keçirilmişdir.
Tədbirə H. Əliyev Mərkəzinin işçiləri və Şəhidlərin “Xatirə” muzeyinin əməkdaşları dəvət olunmuşdur. Qonaqların qarşısında “Hər abidə bir tarixdir” adlı mühazirə oxunmuşdur. Mühazirədə Azərbaycanda mövcud olan tarixi abidələrdən söz açılмышdıр. Mühazirəni Tarix muzeyinin direktor müavini L.Qarayeva oxumuşdur.
Daha sonra Tarix muzeyinin direktoru N. Məmmədəliyev, baş elmi işçi Ə. Mədətov, qonaqlardan Şəhidlərin “Xatirə” muzeyinin direktoru Tahirə xanım mövzu ətrafında çıxış etmişlər.
Tədbirin sonunda tədbir iştirakçıları Şəhidlər Xiyabanında yerləşən 20 Yanvar abidəsini, Şəhidlərin məzarlarını və Şəhidlərin “Xatirə” muzeyini ziyarət etmişlər.

15 aprel Beynəlxalq Mədəniyyət Günü “Bülbül” adına 2 saylı Uşaq musiqi məktəbində qeyd edilmişdir.
Tədbirdə İcra Hakimiyyətinin Baş məsləhətçisi Vahid Məmmədov Mədəniyyət və Turizm şöbəsinin müdiri Tahir Əzizli, məktəbin direktoru Qəzənfər Xabarov və məktəbin kollektivi yaxından iştirak etmişlər.

"Bülbül" adına Uşaq Musiqi məktəbi "Novruz bayramı" ümumşəhər tədbirində iştirak etmişdir.

07 mart 2012-ci il tarixdə M.Davudova adına Mingəçevir şəhər Dövlət Dram Teatrında Üzeyir Hacıbəyli adına 11 illik musiqi məktəbinin "8 Mart Beynəlxalq Qadınlar Günü" bayramı münasibətilə konsert proqramı təşkil edilmişdir.

Mingəçevir şəhəri, Mədəniyyət və Turizm şöbəsi, Üzeyir Hacıbəyli adına 11 illik musiqi məktəbində 29 dekabr 2011-ci il tarixdə Dünya Azərbaycanlılarının Həmrəylik Günü qeyd edilmişdir.